Windows ནས་ Linux ལ་བརྗེ་བར་འདོད་དམ། ༢༠༢༦ ལོའི་འདེམས་ག་ཡག་ཤོས་གཉིས་ཀྱི་དཔྱད་བསྡུར།

༡། Linux ཞེས་པ་ཅི་ཞིག་ཡིན། (གོ་བདེ་བའི་ངོ་སྤྲོད།)

Linux ནི་ Windows དང་ macOS ལྟ་བུའི་གློག་ཀླད་ཀྱི་ལག་བསྟར་མ་ལག་ (Operating System) ཤིག་ཡིན། འདིའི་ཁྱད་ཆོས་གཙོ་བོ་ནི་ Open Source ཡིན་པ་དེ་རེད། དེའི་དོན་ནི་འཛམ་གླིང་ཡོངས་ཀྱི་མཁས་པ་ཚོས་འདིའི་ནང་སྙིང་ལ་བཟོ་བཅོས་དང་ཡར་རྒྱས་གཏོང་ཐུབ་པ་དང་། མི་སྤྱིར་བཏང་བ་ཚོས་རིན་པ་གཅིག་ཀྱང་སྤྲོད་མི་དགོས་པར་རིན་མེད་དུ་བེད་སྤྱོད་གཏོང་ཆོག་པ་དེ་ཡིན།

འཛམ་གླིང་གི་བེད་སྤྱོད་གཏོང་ཚད། འཛམ་གླིང་གི་སྤྱིར་བཏང་ལས་ཁུངས་དང་ཁྱིམ་སྤྱོད་གློག་ཀླད་ (Desktop) ཀྱི་ཁྲོམ་རའི་ནང་ Linux ལ་བརྒྱ་ཆ་ ༤.༥% ཙམ་ལས་མེད་ཀྱང་། འཛམ་གླིང་གི་དྲ་རྒྱའི་ཞབས་ཞུ་འཕྲུལ་འཁོར་ (Servers) དང་། སུ་པར་གློག་ཀླད་ (Supercomputers) ཡོངས་རྫོགས། དེ་བཞིན་ Android ཁ་པར་གྱི་ནང་སྙིང་དེ་ Linux ལ་བརྟེན་ནས་བཟོས་པ་ཤ་སྟག་ཡིན།

༢། Windows ནས་ Linux ལ་བརྗེ་སྐབས་སེམས་བསམ་པའི་གྲ་སྒྲིག་ཅི་དགོས།

དཀའ་ངལ་ལམ་ཉེན་ཁ། (Shortcomings):

• མཉེན་ཆས་མི་འགྲིག་པ: Adobe Photoshop, Premiere, དང་ Microsoft Office ལྟ་བུ་ Linux ནང་ཐད་ཀར་བཀོལ་མི་ཐུབ། དེ་དག་གི་ཚབ་ཏུ་ GIMP དང་ LibreOffice ལྟ་བུ་བཀོལ་སྤྱོད་བྱེད་སྟངས་སྦྱོང་དགོས། གལ་ཏ་སྐར་ཁུང་གི་མཉེན་ཆས་དམིགས་བསལ་རིགས་བེད་སྤྱོད་གཏོང་གི་མེད་ན་དཀའ་ངལ་དམིགས་བསལ་འཕྲད་མི་སྲིད།
• གློག་ཀླད་རྩེད་མོ: རྩེད་མོ་ (Games) མང་ཆེ་བ་ Windows ལ་དམིགས་ནས་བཟོས་པས། Linux ནང་རྩེ་བར་ཐབས་ལམ་གཞན་ (Steam Proton) བཀོལ་དགོས་པའི་རྙོག་དྲ་ཅུང་ཡོད།
• བཀོད་འདོམས་ཡིག་ངོས (Terminal): སྐབས་རེར་ལས་ཀ་ཁ་ཤས་ཀྱི་ཆེད་དུ་དབྱིན་ཡིག་གི་བཀོད་འདོམས་ཡིག་ཆ་འབྲི་དགོས་པ་བྱུང་སྲིད་པས། ཏོག་ཙམ་བྱེད་ལས་ལ་རྒྱུས་མངའ་མང་ཙམ་ལེན་དགོས་པ་དང་རང་སྦྱོང་བྱེད་དགོས་པ་ཡོང་སྲིད་པས་དེ་ལ་འཇིགས་སྣང་མེད་པ་བྱེད་དགོས།

ཁྱད་འཕགས་ཀྱི་དགེ་མཚན། (Benefits):

• རིན་མེད: ལག་བསྟར་མ་ལག་དང་མཉེན་ཆས་མང་ཆེ་བ་རིན་མེད་ཡིན།
• བདེ་འཇགས: དུག་སྲིན་ (Virus) ཀྱི་ཉེན་ཁ་ཧ་ཅང་ཆུང་བས། Antivirus བཀོལ་མི་དགོས།
• མྱུར་ཚད: གློག་ཀླད་རྙིང་པའི་སྟེང་དུའང་ཧ་ཅང་མགྱོགས་པོར་རྒྱུག་ཐུབ།
• རང་དབང་: Windows ལྟར་བཙན་ཤེད་ཀྱིས་གསར་སྒྱུར་ (Updates) བྱེད་མི་དགོས་པ་དང་། རང་གི་འདོད་པ་ལྟར་གློག་ཀླད་ཀྱི་བཟོ་ལྟ་བསྒྱུར་ཆོག

༣། Linux Mint དང་ Zorin OS: གང་ཞིག་ལེགས།

ZDNET གྱིས་དཔྱད་པ་ལྟར་ན། འདི་གཉིས་ཀ་ Windows བཀོལ་མཁན་ཚོར་འོས་ཤོས་ཀྱི་འདེམས་ག་ཡིན།

• Linux Mint (བློ་གཏད་ཆོག་པའི་ལས་བྱེད།):
  • བཟོ་ལྟ: Windows 7 དང་འདྲ་བས། བེད་སྤྱོད་གཏོང་རྒྱུ་ཧ་ཅང་ལས་སླ་པོ་ཡོད།
  • དགེ་མཚན: ཧ་ཅང་བརྟན་པོ་ཡོད་པ་དང་། གློག་ཀླད་ཀྱི་ལྷུ་ལག་ (Drivers) རང་བཞིན་གྱིས་ངོས་འཛིན་ཐུབ་པའི་ནུས་པ་ཆེ།
  • འོས་མི: གློག་ཀླད་སྟབས་བདེ་དང་བརྟན་པོ་དགོས་མཁན་ཚོར་འོས།
• Zorin OS (མཛེས་སྡུག་ལྡན་པའི་དེང་རབས་ཅན།):
  • བཟོ་ལྟ: Windows 10/11 དང་ཡང་ན་ macOS ལྟར་བཟོ་ཆོག ཧ་ཅང་མཛེས་པོ་ཡོད།
  • དགེ་མཚན: “Zorin Windows App Support” ཞེས་པའི་ལག་ཆ་ཡོད་པས། Windows ཀྱི་མཉེན་ཆས་ཁ་ཤས་ Linux ནང་སྒྲིག་འཇུག་བྱེད་པར་རོགས་འདེགས་བྱེད།
  • འོས་མི: མཛེས་ཆོས་ལ་དགའ་ཞིང་ Windows དང་འདྲ་བའི་ཉམས་མྱོང་འདོད་མཁན་ཚོར་འོས།

༤། གློག་ཀླད་ཀྱི་མ་མཐའི་དགོས་མཁོ། (Minimum Specs)

Linux སྒྲིག་འཇུག་བྱེད་པར་གློག་ཀླད་སྟོབས་ཆེན་དགོས་མི་དགོས།

• ནང་གསོག་ (RAM): 2GB (4GB ཡོད་ན་ཡག་ཤོས་ཡིན)
• ཀླད་པ (Processor): 1GHz ཡན་གྱི་ 64-bit CPU
• ཉར་ཚགས་བར་སྟོང་ (Storage): 20GB ནས་ 30GB ཡན་ཆད།

---

མཇུག་བསྡོམས་ཀྱི་གཏམ།

གལ་ཏེ་ཁྱེད་རང་ Windows ཡི་གསར་སྒྱུར་མང་དྲགས་པ་དང་། གློག་ཀླད་དལ་རུ་འགྲོ་བར་སུན་སྣང་སྐྱེ་བཞིན་ཡོད་ན། Linux ནི་འཛམ་གླིང་གསར་པ་ཞིག་ཡིན། Linux Mint ནི་བརྟན་ལྷིང་དགོས་མཁན་ཚོར་འོས་པ་དང་། Zorin OS ནི་མཛེས་སྡུག་དང་སྟབས་བདེ་དགོས་མཁན་ཚོར་འོས། ཐོག་མར་ USB ཞིག་གི་ནང་བླུགས་ནས་ཚོད་ལྟ་བྱས་ཚེ། རང་གི་གློག་ཀླད་དེ་སྔར་ལས་མགྱོགས་པ་དང་རང་དབང་ལྡན་པ་ཞིག་ཏུ་གྱུར་པ་ཚོར་བར་འགྱུར་རོ།།