Windows གཙང་བཟོ་བྱེད་པའི་ལག་ཆ་ཡག་ཤོས་ Glary Utilities
ཨེབ་འདིའི་མིང་ལ་ Glary Utilities ཟེར་ཞིང་། འདི་ནི་ ༢༠༠༠ ལོའི་དཀྱིལ་ཙམ་ནས་བྱུང་བའི་ Windows གཙང་བཟོ་དང་ནུས་པ་སྤར་བྱེད་ཀྱི་ལག་ཆ་གྲགས་ཅན་ཞིག་ཡིན། དེང་སང་གི་མཉེན་ཆས་གསར་པ་དག་ལས་འདི་ཉིད་ལེགས་པ་ཡོད་པའི་རྒྱུ་མཚན་ཁག་ཅིག་ནི།
༡། གཅིག་ནོན་ལེགས་བཅོས། (1-Click Maintenance)
འདི་ནི་ཨེབ་འདིའི་ཁྱད་ཆོས་གཙོ་བོ་དེ་ཡིན། དེས་སྐར་མ་གཅིག་ལས་མ་འགོར་བའི་ནང་དུ་རྩིས་འཁོར་ལ་བརྟག་དཔྱད་བྱས་ཏེ། མི་དགོས་པའི་ཡིག་ཆ་ (Temporary Files) དང་། (Registry) ཡི་སྐྱོན། དེ་བཞིན་ལམ་ནོར་ཐེབས་པའི་མྱུར་ལམ་ (Shortcuts) དག་རང་བཞིན་གྱིས་ལེགས་བཅོས་བྱེད་ཐུབ།
༢། མཉེན་ཆས་རྩ་བསུབ་གཏོང་བ། (Uninstall Manager)
Windows རང་གི་མཉེན་ཆས་བསུབ་བྱེད་ (Settings > Apps) ཀྱིས་མཉེན་ཆས་བསུབ་སྐབས། ཡིག་ཆ་མང་པོ་ཞིག་རྩིས་འཁོར་ནང་ལུས་འགྲོ་གི་ཡོད། འོན་ཀྱང་ Glary ཡི་ Uninstall Manager གྱིས་མཉེན་ཆས་དེ་དང་འབྲེལ་བའི་ལྷག་ལུས་ཡིག་ཆ་དང་ (Registry) དག་ཀྱང་རྩ་བ་ནས་བསུབ་ཐུབ།
༣། ཐོ་བྱང་དོ་དམ་བྱེད་པ། (Context Menu Manager)
ཙི་གུའི་གཡས་ཕྱོགས་མནན་སྐབས་འཆར་བའི་ཐོ་བྱང་ (Right-click menu) ནང་དུ། མི་དགོས་པའི་མཉེན་ཆས་མང་པོ་ཡོད་ནས་ཟང་ཟིང་བཟོ་གི་ཡོད། ལག་ཆ་འདི་བཀོལ་ནས་མི་དགོས་པའི་ཐོ་བྱང་དག་བསུབ་ནས་སྟབས་བདེ་བཟོ་ཐུབ།
༤། རྙིང་བཟོ་ཡིན་ཡང་སྟབས་བདེ་བ།
ཨེབ་འདིའི་ཕྱི་ཚུལ་ནི་ Windows 7 གྱི་དུས་རབས་ལྟར་རྙིང་བཟོ་ཡིན་ཡང་། དེའི་ནུས་པ་དག་ནི་ཧ་ཅང་ཁ་གསལ་ཞིང་བེད་སྤྱོད་གཏོང་རྒྱུ་སྟབས་བདེ་བོ་ཡོད། གནས་ཚུལ་རྙོག་འཛིང་ཅན་གྱི་བཀོད་པ་མེད་པར་ལས་ཀ་གང་ཞིག་བྱེད་དགོས་པ་དེ་ལམ་སེང་རྙེད་ཐུབ།
༥། རིན་མེད་ཀྱི་ནུས་པ།
Glary Utilities ལ་རིན་པ་སྤྲོད་དགོས་པའི་ (Pro version) ཡོད་ཀྱང་། དེའི་རིན་མེད་ཀྱི་པར་གཞི་ (Free version) ནང་དུ་རྩིས་འཁོར་གཙང་བཟོ་བྱེད་པར་མཁོ་བའི་ནུས་པ་ཡོངས་རྫོགས་འཛོམས་ཡོད།
མཇུག་བསྡོམས་ལམ་སྟོན།
གལ་ཏེ་ཁྱེད་ཀྱི་ Windows རྩིས་འཁོར་དེ་དལ་དུ་འགྲོ་བ་དང་ཡིག་ཆ་མང་པོས་བྲེལ་བའི་སྐབས་སུ། མཉེན་ཆས་གསར་པ་དང་གསལ་བསྒྲགས་མང་བའི་རིགས་ལ་མ་བརྟེན་པར། ལོ་རྒྱུས་ཡོད་པའི་ Glary Utilities འདི་བཀོལ་ནས་གཙང་བཟོ་བྱས་ཚེ་རྩིས་འཁོར་གྱི་མྱུར་ཚད་སྔར་ལས་ལེགས་པ་ཡོང་རྒྱུ་རེད།
