ཉེ་ཆར་ gmail གློག་འཕྲིན་ཞབས་ཞུས་རང་ཉིད་ཀྱི་གློག་འཕྲིན་ནང་བཀོད་པའི་འདྲ་པར་རྣམས་ཐད་ཀར་གློག་འཕྲིན་ཁ་བསྔོག་པ་དང་འཆར་ཐུབ་པ་བཟོས་ཡོད། གཅིག་བྱས་ན་ཁྱེད་ཀྱིས་བསམ་པར་དེ་ནི་དམིགས་བསལ་བཤད་རིན་མེད་པ་ལྟ་བུ་འཚོར་སྲིད། འོན་ཀྱང་དེ་ནི་ཤིན་ཏུ་གནད་ཀ་ཅན་གྱི་གོམ་སྟབས་ཞིག་ཡིན་པ་དང་། ད་བར་ yahoo དང་ hotmail སོགས་གློག་འཕྲིན་ཞབས་ཞུ་སུས་ཀྱང་དེ་ལྟར་བཟོ་བའི་གདེང་ཚོད་ཞིག་འཆར་མེད།

བསམ་བློ་ཞིག་ཐོངས་དང་དེ་སྔ་ཁྱེད་ཀྱི་གློག་འཕྲིན་གྱི་སྦྲགས་སྒམ་ནང་བསྒྲགས་གཏམ་དང་ཁྱབ་བསྒྲགས་དེ་བཞིན་ html, css, image སོགས་ཀྱིས་མཛེས་བཀོད་བྱེད་པའི་ཡི་གེ་རྣམས་ཐད་ཀར་མི་ཤར་བ་དང་། གལ་ཏེ་པར་དེ་དག་ཤར་དགོས་ཚེ་ངེས་པར་དུ་ “Display Image from this user” ཞེས་པའི་ཐོག་ངེས་པར་དུ་ཐེངས་རེ་གནོན་དགོས་ཀྱི་ཡོད། དེ་ལྟར་བྱེད་དགོས་དོན་ནི། གློག་འཕྲིན་ནང་ཐད་ཀར་བཀོད་པའི་པར་དེ་དག་རྒྱུད་དྲ་དུག་དང་། གསང་འཛུལ། དེ་བཞིན་རང་ཉིད་ཀྱི་ IP སོགས་གཞན་གྱིས་ལས་ལྷ་པོས་ཧ་གོ་འགྲི་ཡི་ཡོད། གློག་འཕྲིན་བེད་སྤྱོད་བྱེད་མཁན་དང་དེ་བཞིན་གློག་འཕྲིན་ཞབས་ཞུའི་ལྟེ་གནས་ email server གཉིས་ཀའི་བདེ་འཇག་དང་ཁེ་དབང་ལ་དོ་ཕོག་མ་ཡོང་བའི་སྔོན་འགོག་བྱེད་ཆེད་གློག་འཕྲིན་ནང་བཀོད་པའི་པར་དེ་དག་བཀག་གང་ཐུབ་བྱེད་ཀྱི་ཡོད།

ད་རེས་གུ་གུལ་གྱི་ Gmail གློག་འཕྲིན་ཞབས་ཞུས་བཀའ་ངལ་དེ་དག་ལ་གདོང་ལེན་ཐུབ་པའི་དཔང་རྟགས་ཞིག་ཡིན་པ་དང་། ཁོང་ཚོས་ Gmail ནང་ཐད་ཀར་བཀོད་པའི་འདྲ་པར་ཅི་རིགས་ཡིག་གསོག་ server ལོགས་སུ་ཡོད་པ་དང་། པར་དེ་དག་ལ་དམིགས་ཀར་གྱི་དྲ་དུག་ཞིབ་བཤེར་བྱེད་ཐུབ་ཀྱི་ཡོད་འདུག །དེར་དཔེ་མཚོན་ཙམ་དུ་དངོས་ཟོག་ཁྱབ་བསྒྲགས་ཞིག་གུས་པའི་གློག་འཕྲིན་ནང་འབྱོར་ཡོད་པས་དེ་ཁ་བསྔོག་སྐབས་ཁྱབ་བསྒྲགས་ཀྱི་ཡིག་རིས་པར་རྣམས་ཐད་ཀར་འཆར་ཡོང་བ་ཡིན།

གལ་ཏེ་ཁྱེད་རང་ Gmail བེད་སྤྱོད་བཏང་མཁན་ཞིག་ཡིན་ན། མཐུན་རྐྱེན་གསར་པ་དེ་དགོས་མིན་སྐད་ཆ་དྲི་ངེས། དེ་ལྟར་མ་ཡོང་ཚེ་མཐུན་རྐྱེན་གསར་པ་དེ་ཁ་སྣོན་བྱེད་པར་གཤམ་གྱི་ལག་ལེན་གྱི་གོ་རིམ་ལྟར་བྱེད་ན་འགྲིགས།
༡༽ Gmail གློག་འཕྲིན་ཁ་ཕྱེ།
༢༽ དེ་ནས་སྟེང་གཡས་ཕྱོགས་སུ་ཡོད་པའི་ཅུས་ཟེར་གྱི་རྟགས་དེར་གནོན།
༣༽ Setting  ལ་གནོན།
༤༽ General སྡེ་ཚན་དེ་རང་གི་འོག་ཙམ་དུ་ Display images below དེ་འདེམས་དགོས།
༥༽ མཐའ་མ་འོག་འོག་གི་ Save Changes ལ་གཅིག་གནོན་ན་འཐུས།