ཨན་ཌོའི་ཁ་པར་བཟོ་གྲྭ་མང་པོ་ཞིག་གིས་རྙོག་ཁྲལ་གང་ལ་ཡང་མ་བསམ་པར་ USB On-the-Go ཟེར་བའམ་བསྡུས་ཚིག་ཏུ་ OTG ཟེར་བའི་བེད་སྤྱོད་ཅན་གྱི་ཁྱད་ཆོས་གསར་པ་ཞིག་སྦྱར་བཞིན་ཡོད། གལ་ཏེ་མཐུན་རྐྱེན་འདི་ཡོད་ན། ཁྱེད་ཀྱི་ལག་ཐོག་ཁ་པར་འདི་གཙོ་འཁོར་ཞིག་ཏུ་འགྱུར་ཐུབ་པ་དང་། ཡན་ལག་གི་གློག་ཆས་དཔེར་ན། མཐེབ་སྡེར་ (pendrive) དང་ མཐེབ་གཞོང་ལ་སོགས་པ་དེ་དག་འདིར་མཐུད་དེ་བཀོལ་སྤྱོད་ཐུབ་ཀྱི་ཡོད།

OTG ནི་ “On the go” ཟེར་བ་དང་བསྡུས་ཚིག་རེད། གློག་ཆས་གཉིས་ OTG ཐོག་ཡོད་ན། གློག་ཆས་དེ་གཉིས་བར་འབྲེལ་ལམ་བཙུག་ཐུབ་པ་དང་། དེ་གཉིས་བར་ལས་ཀ་སྒྲུབ་ཐུབ་པའི་བྱ་ནུས་གསར་པ་རགས་ཀྱི་ཡོད། དེར་དཔེ་མཚོན་ལེགས་ཤོས་ནི། དེ་སྔོན་ང་ཚོས་མཐེབ་སྡེར་ནང་གི་ཡིག་ཆ་དེ་རིགས་གློག་ཀླད་རྒྱུད་རང་ཉིད་ཀྱི་ལག་ཐོག་ཁ་པར་ནང་བཤུ་དགོས་ཀྱི་ཡོད། ད་ཆ་ལག་ཐོག་ཁ་པར་མང་པོའི་ནང་ OTG གྱི་མཐུན་རྐྱེན་དེ་ཡོད་པར་བརྟེན་གློག་ཀླད་མི་དགོས་པར་ལག་ཐོག་ཁ་པར་གྱིས་མཐེབ་སྡེར་ཁ་བསྔོག་ཐུབ་པ་དང་གཞན་ཡང་ལག་ཐོག་ཁ་པར་དང་དཔར་སློག་འཕྲུལ་ཆས་(printer)གཉིས་མཐུད་དེ་ཡི་གེ་དཔར་སློག་བརྒྱག་ཐུབ་པ་སོགས་ཆགས་ཡོད་པ་ལྟ་བུ་རེད། ཁྱེད་ཀྱི་ལག་ཐོག་ཁ་པར་དེ་ OTG ཡིན་མིན་ཤོག་སྒམ་གྱི་ངོས་སུ་གཤམ་གྱི་རྟགས་དེ་ཡོད་མེད་ནས་ཤེས་ཐུབ།

OTG ཆ་རྐྱེན་དང་དགོས་མཁོ།

སྤྱིར་བཏང་བྱས་ན་ OTG གྱི་མཐུན་རྐྱེན་ལྡན་པའི་ལག་ཐོག་ཁ་པར་དང་ཊེབ་ལེཊ་ཚང་མས་མཐེབ་སྡེར་དང། མཐེབ་གཞོང་། ཙི་ཙི། སྲ་སྡེར་སོགས་བེད་སྤྱོད་ཡོང་ཐུབ་ཀྱི་ཡོད་ཀྱང་། སྐབས་རེ་མཐུད་ས་དང་མཐུད་མཁན་གཉིས་བར་ལ་མཐུན་སྦྱོར་དང་འབྲེལ་ཆགས་ཐུབ་མིན་ལ་ཡང་རགས་ལས་ཡོད། ཁྱེད་ཀྱིས་སོ་སོའི་ཁ་པར་དེར་ OTG ཡོད་མེད་ཤེས་འདོད་ན། Play Store རྒྱུད་ USB Host Diagnostics ཞེས་པའི་ཨེཔྶ་དེ་བླུགས་ནས་བལྟ་དགོས།

གལ་ཏེ་ཁྱེད་ཀྱི་ཁ་པར་རམ་ཊེབ་ལེཊ་དེ་ OTG གི་མཐུན་རྐྱེན་ཡོད་པ་ཞིག་ཡིན་ན། དེ་ནས་ཁྱེད་ལ་ OTG གི་ཏར་སྐུད་ཆུང་ཆུང་ཞིག་ངེས་པར་དུ་ཡོད་དགོས། ཏར་སྐུད་དེ་ཁྲོམ་རྭ་ནས་ལས་ལྷ་པོར་རག་ཐུབ་པ་དང་གོང་ཚད་ཕལ་ཆེར་རྒྱ་གར་སྒོར་ 50/- ཙམ་རེད། གཤམ་གྱི་དཔེ་རིས་ལས་གསལ།

OTG བེད་སྤྱོད་གཏོང་སྟངས།

དེ་མིན་ OTG གྱི་བེད་སྤྱོད་གཞན་གང་ཡོད་པ་ཁྱེད་ཀྱིས་ཤེས་སམ། གལ་ཏེ་ཁྱེད་ལ་བསམ་ཚུལ་དང་དེ་མིན་བེད་སྤྱོད་ཧ་གོ་བ་འདྲ་ཡོད་ན། འདིར་མཆན་བཀོད་སའི་ནང་མཉམ་བཞུགས་གནང་རོགས།