ལོ་གསར་ཟིན་རན་པ་དང་། ལས་འབྲེལ་མང་པོ་ཞིག་ཆགས་ཡོང་གི་ཡོད། དེའི་བར་ལ་ལས་ཁུངས་ནས་གུས་པར་ལོ་གསར་གྱི་མཚམས་ཤོག་ཞིག་བཟོ་རྒྱུ་མངགས་པ་ལྟར་དེ་རིང་གཞི་ནས་སྒྲུབ་ཐུབ་པ་བྱུང་སོང་།
མཚམས་ཤོག་བཟོ་སྐབས་གཙོ་བོ་བོད་པའི་ཁམས་དང་མཐུན་པ་དང་། ནང་དོན་ལ་དག་ཆའི་ནོར་འཁྲུལ་མི་ཡོང་བ་བྱེད་དགོས་པ་གལ་ཆེ་ཤོས་ཡིན། ལས་ཁུངས་ཀྱི་མཚམས་ཤོག་ནི་ལས་ཁུངས་གང་ཞིག་དང་ཚོགས་པ་གང་ཞིག་ངོ་བོ་མཚོན་གྱི་ཡོད་པར་བརྟེན་མཚམས་ཤོག་བཟོ་མཁན་ཞིག་གི་ཆ་ནས་ནང་དོན་དང་རི་མོ་གཉིས་ཀར་དོ་ཟབ་བྱེད་དགོས། བརྗོད་བྱ་བོད་དབྱིན་རྒྱ་སོགས་སྐད་ཡིག་གང་ཡིག་ཡིན་པ་དེ་ལ་མཁས་པའི་ལས་རོགས་ལ་ཞུ་དག་བྱེད་བཅུག་དགོས།
མཚམས་ཤོག་གི་རི་མོ་དང་ནང་དོན་རྣམས་སྒྲིག་ཟིན་རྗེས་ངེས་པར་དུ་འཛིན་སྐྱོང་སྡེ་ཚན་གྱི་དག་མཆན་ཐོབ་དགོས་པ་དང་། དེ་ནས་གཞི་ནས་དཔར་སྐྲུན་དངོས་གཞི་འགོ་བཙུགས་ན་འགྲིག །
འདིར་གཤམ་གྱི་བརྙན་ཟློས་ནང་གུས་པས་ལོ་གསར་མཚམས་ཤོག་དང་། གྱང་སྦྱོར་ཤོག་བུ་ཞིག་མཚོན་དཔར་རྒྱག་ནས་བཟོ་སྟངས་སྟབས་བདེ་ཞིག་སྟོན་ཁུལ་ལགས།
